NEWS, ENTERTAINMENT, SPORTS, EDUCATION, ANGKOR HISTORY

HostGator Web Hosting

Breaking News

Sunday, July 17, 2016

ប្រយោជន៍​របស់​ស្រោម​អនាម័យ​ដែល​មិន​នឹក​ស្មាន​ដល់​

By on 5:33:00 AM
បុរសៗ​មួយ​ចំនួន​អាច​នៅ​មាន​គំនិត​អវិជ្ជមាន​នៅ​ឡើយ​ចំពោះ​ស្រោម​អនាម័យ ​ព្រោះ​ពួក​គេ​គិត​ថា​វា​បំផ្លាញ​សេច​ក្តី​សុខ​ពេល​រួម​ភេទ។ បើ​អ្នក​មាន​គំនិត​ដូច​នេះ​ សាក​ស្វែង​យល់​ពី​អត្ថប្រយោជន៍​របស់​ស្រោម​អនាម័យ​ខាង​ក្រោម​នេះ​ ដែល​ប្រ​ហែល​ជា​អាច​ផ្លាស់​ប្ដូរ​ការ​គិត​របស់​អ្នក៖
 ១.​ ស្រោម​អនាម័យ​មាន​ប្រសិទ្ធភាព​ខ្ពស់​ក្នុង​ការ​ប្រ​ឆាំង​ជំងឺ​ឆ្លងផ្សេងៗ
ស្រោម​អនាម័យ​គឺ​ជា​វិធី​តែ​មួយ​គត់​ដែល​ផ្តល់​ប្រសិទ្ធភាព​ពីរ​យ៉ាង​ ក្នុង​ពេល​តែ​មួយ​ គឺ​ទប់ស្កាត់​ការ​មាន​ផ្ទៃពោះ​ និង​ការពារ​ជំងឺ​ឆ្លង ដូចជា ​កាមរោគ​ និង​អេដស៍ជា​ដើម។ ទោះបី​ជា​អ្នក​ជ្រើស​រើស​វីធី​ពន្យារ​កំណើត​ផ្សេង​ទៀត​ក៏​ដោយ អ្នក​ក៏​នៅ​តែ​ត្រូវ​ប្រើ​ស្រោម​អនាម័យ​ផង​ដែរ​ ដើម្បី​ទប់​ស្កាត់​ជំងឺ​ឆ្លង។ Read More

២. មាន​តម្លៃ​ថោក​ និង​ងាយ​ស្រួល​ប្រើ​
ស្រោម​អនាម័យ​មាន​លក់​នៅ​តាម​ហាង​ជា​ច្រើន​ ដែល​ងាយ​រក​ទិញ។ អ្នក​មិន​បាច់​ត្រូវ​ការ​វេជ្ជបញ្ជា​អ្វី​ដើម្បី​ទិញ​វា​នោះ​ទេ។ វា​មាន​តម្លៃ​ថោក​ ស្រួល​ប្រើ​ និង​ផ្ដល់​ប្រសិទ្ធ​ភាព​ខ្ពស់។

៣. ផ្តល់​ភាព Sexy
ស្រោម​អនាម័យ​មាន​ច្រើន​ប្រភេទ​ សណ្ឋាន​ និង​ក្លិន​ដែល​ជួយ​ឲ្យ​អារម្មណ៍​កាន់​តែ​ពុះ​កញ្ច្រោល​ឡើង ​ជា​ពិសេស​អ្នក​អាច​បន្ថែម​ទឹក​រំអិល​ ដើម្បី​បង្កើន​ក្តី​សុខ​ទ្វេ​ដង។ ស្រោម​អនាម័យ​ថែម​ទាំង​ជួយ​ពន្យារ​ពេល​បញ្ចេញ​ទឹក​កាម​ទៀត​ផង។

៤. អាច​ជួយ​ផ្តល់​ប្រសិទ្ធ​ភាព​ដល់​វិធី​ពន្យារ​កំណើត​ផ្សេង​ទៀត​
វីធី​ពន្យារ​កំ​ណើត ​ដូចជា​ ថ្នាំ​គ្រាប់​ ថ្នាំ​ចាក់​ ដាក់​កង​ជា​ដើម​ មិន​ប្រាកដ​ថា​​អាច​ផ្តល់​ប្រសិទ្ធភាព​ ១០០%​ទេ​ ជា​ពិសេស​ពេល​ស្រ្តី​ប្រព្រឹត្ត​កំហុស​អ្វី​មួយ​ដោយ​អចេតនា។ បុរស​គួរ​ប្រើ​ស្រោម​អនាម័យ​បន្ថែម​ដើម្បី​ឲ្យ​កាន់​តែ​មាន​ទំ​នុក​ចិត្ត។ យ៉ាង​ណា​ក៏​ដោយ​មិន​គួរ​ប្រើប្រាស់​ស្រោម​ម្តង​លើស​ពី​មួយ​ទេ។​

៥. មិន​ផ្តល់​ផល​ប៉ះពាល់​
ភាគ​ច្រើន​ការ​ប្រើប្រាស់​ស្រោម​អនាម័យ​​មិន​មាន​ផ្តល់​ផល​ប៉ះពាល់​អ្វី​ នោះ​ទេ។ តែ​បើ​មាន​ ក៏​ជា​ករណី​មួយ​ចំនួន​តូច​ដែល​អាឡែស៊ី​ទៅ​នឹង​សារជាតិ​ប្រើ​សម្រាប់​ផលិត​ ស្រោម។ យ៉ាង​ណា​ក៏​ដោយ​ដើម្បី​ការពារ​ អ្នក​គួរ​ជ្រើស​រើស​ប្រ​ភេទ​ស្រោម​អនាម័យ​ដែល​មាន​ស្តង់ដារ​ខ្ពស់​ និង​ធានា​បាន​នូវ​ប្រសិទ្ធភាព។

ជា​រួម​ ស្រោម​អនាម័យ​មិន​បង្ក​ផល​ប៉ះ​ពាល់​អ្វី​ទេ ផ្ទុយ​ទៅ​វិញ​វា​ធ្វើ​ឲ្យ​ការ​រួមភេទ​របស់​អ្នក​កាន់​តែ​ប្រសើរ​ជាង​មុន។

សូម​ណែនាំ​ស្រោម​អនាម័យ​ Okamoto​ ដែល​ផលិត​ឡើង​តាម​ស្តង់ដារ​លេខ១​របស់​ជប៉ុន ស្តើង​ស្វិត​ជាង​គេ មិន​ធុំ​ក្លិន​ជ័រ មាន​ច្រើន​ក្លិន ច្រើន​ជម្រើស​ទៅ​តាម​ការ​និយម​ចូល​ចិត្ត។ អ្នក​អាច​រក​ទិញ​ស្រោម​អនាម័យ Okamoto បាន​នៅ​តាម​ម៉ាត ឱសថ​ស្ថាន និង​ផ្សារ​ទំនើប។ រាល់​ការ​ទិញ​ស្រោម​អនាម័យ​អូកាម៉ូតុ​១​ប្រអប់​ប្រភេទ​ណា​មួយ នឹង​ទទួល​បាន​ការ​ថែម​ជូន​ទឹក​រំអិល​អូកាម៉ូតុ​១​កញ្ចប់​ភ្លាមៗ។

បើ​មាន​រោគសញ្ញា​​បី​​នេះ បញ្ជាក់​ថាអ្នក​មាន​ជំងឺ​ទឹកនោម​ផ្អែម

By on 5:25:00 AM
អ្នក​កើត​ជំងឺ​ទឹកនោម​ផ្អែម​នៅ​កម្ពុជា ចេះ​តែ​កើន​ឡើង​​ជា​លំដាប់​ពី​មួយ​ថ្ងៃៗ ហើយ​ជំងឺ​នេះ​ដែរ ត្រូវ​អ្នក​ជំនាញ​បង្ហើប​ឱ្យ​ដឹង​ថា កំពុង​តែ​មាន​សភាព​ធ្ងន់ធ្ងរ ក្នុង​ប្រទេស​កំពុង​អភិវឌ្ឍ​មួយ​នេះ។

លោក​វេជ្ជបណ្ឌិត Nam Han Cho

តើ​ជំងឺ​ទឹកនោម​ផ្អែម​មាន​រោគ​សញ្ញា​អ្វី​ខ្លះ?

ប្រធាន​សហព័ន្ធ​ជំងឺ​ទឹកនោម​ផ្អែម​អន្តរជាតិ លោក​វេជ្ជបណ្ឌិត Nam Han Cho បាន​ឱ្យ​អ្នកសារព័ត៌មាន​ដឹង នៅ​ក្នុង​អគារ មជ្ឈមណ្ឌល​ជំងឺ​ទឹកនោម​ផ្អែម​កម្ពុជា-កូរ៉េ ក្នុង​បរិវេណ​មន្ទីរ​ពេទ្យ​ព្រះកុសុមៈ ព្រឹកមិញ​ថា ជំងឺ​នេះ​មាន​រោគសញ្ញា​បី​ដែល​ត្រូវ​កត់​សម្គាល់ គឺ​​ផឹក​ទឹក​ច្រើន នោម​ច្រើន និង​ឃ្លាន​អាហារ​ញឹកញាប់ ហើយ​​ប្រហែល​ជា​ ១០% នៃ​អ្នក​​កើត​ជំងឺ​នេះ តែង​មាន​បញ្ហា​ភ្នែក។

លោក​បន្ត​ថា អ្នក​កើត​ជំងឺ​ទឹកនោម​ផ្អែម​​ភាគច្រើន មិន​មាន​ការ​ឈឺចាប់ និង​រោគសញ្ញា​អ្វី​នោះទេ៖ “ពី​មុន​គាត់​ (អ្នកជំងឺ) អត់​ដឹង​ថា គាត់​កើត​​ជំងឺ​ទឹកនោម​ផ្អែម​ទេ ប៉ុន្តែ​ទៅ​ជួប​​គ្រូពេទ្យ​ទៅ មាន​រោគសញ្ញា​ហ្នឹង ប្រហែល​គាត់​កើត​រោគ​ហ្នឹង ១០ ​ឆ្នាំទៅ​​ហើយ”។

តើ​ជំងឺ​នេះ​កើត​ឡើង​ដោយសារ​អ្វី?

ចំពោះ​មូលហេតុ​ដែល​នាំ​ឱ្យ​កើត​ជំងឺ​ទឹកនោម​ផ្អែម គឺ​មក​ពី​ការ​ទទួលទាន​បារី ស្រា អាហារ​មាន​ញាតិ​ខ្លាញ់​ច្រើន តាម​បែប​លោក​ខាងលិច និង​កង្វះ​ការ​ហាត់ប្រាណ។ លោក​វេជ្ជបណ្ឌិត Nam Han Cho ឆ្លើយ​តប។

អ្នក​ណា​ខ្លះ​ងាយនឹង​​ប្រឈមជំងឺ​នេះ?

ចំពោះ​សំណួរ​មួយ​នេះ​វិញ លោក​វេជ្ជបណ្ឌិត​ជនជាតិ​កូរ៉េ សញ្ជាតិ​ខ្មែរ​រូប​នេះ​ប្រាប់​ថា បុរស​ស្ត្រី​​​មាន​អាយុ​ចាប់​ពី ៤០ ​ឆ្នាំ​ឡើង ​ងាយ​នឹង​​ប្រឈមជំងឺ​នេះ ប៉ុន្តែ​បច្ចុប្បន្ន អ្នក​ងាយ​ប្រឈម​ គឺ​មាន​អាយុ​ចាប់​ពី ៣០ ​ឆ្នាំ​ឡើង​ទៅ។ បើ​នៅ​ជប៉ុន កូរ៉េវិញ គឺ​ចាប់​ផ្ដើម​ពី​អាយុ  ២០ ​ឆ្នាំ។

តើ​ជំងឺ​​នេះ​អាច​ព្យាបាល​ជា​សះស្បើយ​​ដែរឬ​​ទេ?

លោក​បញ្ជាក់​ថា ទឹកនោម​ផ្អែម​ជា​ជំងឺ​មួយ​ប្រភេទ មិន​អាច​ព្យាបាល​ជាសះស្បើយ​បាន​ទេ គឺ​ត្រូវ​ការ​ការ​ព្យាបាល​អស់​មួយ​ជីវិត។ យ៉ាងណាមិញ​លោក​ថា អ្នក​កើត​ជំងឺ​នេះ អាច​រស់នៅ​បាន​ដូច​មនុស្ស​ធម្មតា ដោយ​គ្រាន់​តែ​អនុវត្ត​វិធី​សាមញ្ញ​ដូចជា ជប់​ពិសា​បារី គ្រឿង​ស្រវឹង ញ៉ាំ​អាហារ​ឱ្យ​បាន​ត្រឹម​ត្រូវ ជួប​​ជាមួយ​គ្រូពេទ្យ​ជា​ប្រចាំ ធ្វើ​លំហាត់​ប្រាណ​ឱ្យ​បាន​ទៀងទាត់ ជា​ពិសេស​ដើរ​ឱ្យ​បាន ១ម៉ឺន​ជំហាន​ក្នុង​មួយ​ថ្ងៃ។
  វេជ្ជបណ្ឌិត ទូច ឃុន ប្រធាន​មជ្ឈមណ្ឌល​ជំងឺ​ទឹកនោម​ផ្អែម (បន្ទាប់​ស្ដាំ)

លោក​បាន​ឱ្យ​ដឹង​ថា បច្ចុប្បន្ន​កម្ពុជា ​មាន​អ្នក​ជំងឺ​ទឹកនោម​ផ្អែម​​​ប្រហែល ១.២ លាន​នាក់ អ្នក​អត់​ដឹង​ថា​ខ្លួន​មាន​ជំងឺ​នេះ មាន​ប្រហែល ១.២ លាន​នាក់ និង ២លាន​នាក់​ផ្សេង​ទៀត អាច​ប្រឈម​មុខ​ជំងឺ​នេះ ក្នុង​ពេល​អនាគត។

សរុប​ជា​រួម​មក ​ប្រជាជន​កម្ពុជា ៥ លាន​នាក់ បាន​កើត និង​អាច​ប្រឈម​នា​អនាគត ហើយ​ដើម្បី​ព្យាបាល​ជំងឺ​នេះ មន្ទីរពេទ្យ​ត្រូវ​ការ​ថវិកា​ជាតិប្រមាណ​ ២០% ​ពី​​រដ្ឋាភិបាល។

យ៉ាងណា​ក៏ដោយ លោកបាន​​ថ្លែង​ថា បើ​ធៀបថៃ វៀតណាម ​ទៅ​នឹង​កម្ពុជា​វិញ គឺ​កម្ពុជា​អត្រា​​អ្នក​កើត​ជំងឺ​ទឹកនោម​ផ្អែម ទាប​ជាង​ ២% ហើយ​មូលហេតុ​នោះ ដោយសារ​​​​ប្រទេស​ទាំង​ពីរ​នេះ មាន​របៀប​រស់​នៅ​ដូច​លោក​ខាងលិច​ជាង​កម្ពុជា។

តើ​ត្រូវ​ទប់​ស្កាត់​ជំងឺ​នេះ​យ៉ាងដូច​ម្ដេច?

វេជ្ជបណ្ឌិត​ជំនាញ​រូប​នេះ បាន​លើកឡើង​ថា ដើម្បី​ទប់ស្កាត់​កុំ​ឱ្យ​កើត​ជំងឺ​នេះ ប្រជាជន​ខ្មែរ​គួរ​ បរិភោគ​អាហារ​តាមបែប​​​ខ្មែរ រស់​នៅ​តាម​បែប​ខ្មែរ ហាត់​ប្រាណ​ឱ្យ​បាន​ច្រើន និង​អប់រំ​ក្មេង​​ៗ ឱ្យ​កាត់​បន្ថយ​អាហារ​លោក​ខាងលិច។ លោក​ថ្លែង​ថា៖ “គួរ​រស់នៅ​ និង​ហូប​ចុក​តាម​បែប​កម្ពុជា”។

បើ​ប្រសាសន៍​របស់​លោក Nam Han Cho ​អ្នក​កើត​ជំងឺ​ទឹកនោម​ផ្អែម​ប្រហែល ​៥ លាន​នាក់​ បាន​ស្លាប់​ជា​រៀង​​​រាល់​ឆ្នាំលើ​ពិភពលោក ពោល​គឺ​ ៦ វិនាទី​ម្ដង​ មាន​មនុស្ស​ម្នាក់​ស្លាប់។ ចំណែក​ឯ​កម្ពុជា​ លោក​មិន​បាន​ដឹង​ទិន្នន័យ​ទេ ប៉ុន្តែ​លោក​ថា​ ជំងឺ​នេះ​នៅ​កម្ពុជា​បច្ចុប្បន្ន កំពុង​មាន​លក្ខណៈ​ធ្ងន់ធ្ងរ ហើយ​បើ​មើល​តាម​កំណើន​​សេដ្ឋកិច្ច​​ ក្នុង​ ៥ វិនាទី​ម្ដង មាន​អ្នកជំងឺ​ម្នាក់​ស្លាប់។

ចាប់​តាំង​ពី​ឆ្នាំ​ពី ២០០៥ មក​ដល់​ពេល​នេះ មន្ទីរពេទ្យ​ព្រះកុសមៈ មាន​អ្នកជំងឺ​ទឹកនោម​ផ្អែម​ មក​ព្យាបាល​ប្រហែល​ជិត ​១ ​ម៉ឺន​នាក់​ហើយ។ នេះ​បើ​តាម​ការ​ឱ្យ​ដឹង​របស់​លោក វេជ្ជបណ្ឌិត ទូច ឃុន ប្រធាន​មជ្ឈមណ្ឌល​ជំងឺ​ទឹកនោម​ផ្អែម នៃ​មន្ទីរពេទ្យ​ព្រះកុសុមៈ៕